busfahren

das werd äuä ned sone länge post, es goht wörkli oms busfahre ;-) aber es het mi so erstunt, dasi gfonde ha, das chönti jo do häre schriibe.
Emmer am mettwoch ond frittig hani badminton in Stubbekoebing, met em bus esch das e halb stond. geschter hani auso de bus am 16.48 gno, dosse eschs scho stockfiischter gsi ond es het sseeehr fescht grägnet. i be i bus ond zvorderst häreghocket, damet i gse woni mues dröcke zum usstiege. de buschauffeur esch sehr schnäll gfahre, hani gfonde, för dases sones schmals strössli met so vele korve esch ond mer ned wiiter gseht als velech 5m. wenn es outo chonnt mues mer halb is fäld usefahre ond mängisch hets so riese glongge, wos när mega höch sprötzt uf de siite. i has lostig gfonde. :D uf dere strecki fahrt mer ou no chorz am meer verbii ond i ha eifach nome so öppis wiisses gse uflüchte ab ond zue, schuumchrone. d stross esch e einzige see gsi ond i has gfüehl gha de bus schwömmt etz de gad. ide korvene hets jedesmol soo luut giiret dass de buschauffeur dors mikrofon het erklärt dass das nome esch wöus so nass esch, ned das mer gad usenandgheie. seehr beruigend.
wo mer de z stubbekoebing gsi send, beni no die einzig im bus gsi, also het de chauffeur mi gfrogt, wos mer am beste gieng zom usstiege ond het mi diräkt vor de badmintonhalle usegloh, obwohl das ned mol ade busstrecki liit. :-D
bim heifahre beni ou weder di einzig gsi, ond am chauffeur eschs äuä chli langwiilig gsi, är het met mer afo rede, öber reh wo ame ide nacht öberd stross seckle ond i sell ufpasse wöu de brämsi är de, ond dases doch aso wörkli sehr fest rägni ond blablabla...:-) normalerwiis lose si ame seehr luut radio, aber dasch äuä kabott gsi. :-D
jedefalls se di chauffeure do di meiste sehr nätt, ond es esch ou ned so das mer onbedengt ade bushaltestell mues ii ond usstiege, me chas ehm go säge, i wett gärn det ond det use ond de haltet er det, oder wenn öpper am strosserand stoht ond wenkt halte si aube ou. aber dasch halt ou wöud haltestelle fasch nome ide dörfli send, ond de eschs z.T. rächt wiit zum loufe vo dene abglägne hüüser ond buurehöf.

jo das wärs, i mues jetz go luege, was mi zopf macht, ob er ready esch för i ofe. :D
bes gli weder einisch
grüess usem verrägnete dänemark
Lisa

Dittes fødselsdag

I gårs var Dittes fødselsdag -gester het d ditte gebori gha. :-)
Mini schwöster Ditte esch gester 17ni worde. Am morge beni öppe am halbi 9i ufgstande. D Line ond d Alice (anderi schwöster ond mueter) send scho uf gsi. d Ditte ond eri fröndin Jeanne wo ou do esch gsi händ no gschlofe. D Alice het zmorge parat gmacht, met ufbachbrötli ond orangesaft ond gomfi ond chääs ond salami. De se si de ou cho. Mer händ zmorge gässe ond d Ditte het eri gschänkli uspackt. I ha ere es t-shirt gschänkt ond si het fröid gha. Am 11 eschis de ere vater cho abhole ond mer se zu ehm heigfahre ( är wohnt im nochbersdörfli öppe 2km entfärnt). Är wohnt met siner mueter imene uuralte huus (d teli esch gloub no witer onde als bi üs deheime!) es het zmettag gä: so fleisch wo no ganz rot esch gsi aber fein, pommes ond salot ond verschedni sauce. zum dessert lagkage, typische geboritorte, zwöi lage bisquit ond dezwösche ond dröber creme ond rahm. mer se ou no e chline spaziergang go mache, zunere alte schlossruine. Si händ sech sehr dröber gedanke gmacht, dass si jetz jo 2mol a eim tag warm ässe^^. dasch do ned sehr normal. meistens esst mer nor zum znacht warm.
Am 4i het üs de michael weder heigfahre ond de se de ou scho d grosseltere cho ond de carsten (eltiste brüeder). mer se no zum brian (andere brüeder)sim nöie huus gfahre ond händs agluegt, er het jetz scho fasch alli wänd ond teline gmohlet ond de bode verleit (esche-laminat, jan :-D) . Am 5i (!) hämmer znacht gässe. si ässe do emmer seehr früeh im gägesatz zu dehei. es het lasagne gää ond nod spaghetti vo gester wöu de brian ned gärn lasagne het. (wi chamer nome?) si händ gredt ond gredt, d ditte het ou no gschänkli becho ond jo....de hets de einisch no dessärt gä, kagemand, dasch sone teig (mega fein) ond de droffe gschmöckt met süessigkeite. d alice het ömu gseit, es seg sehr eifach, i werd s de ou mol probiere. i ha no metem morfar (grossvater) öber handorgele gredt. är het ergendwie set 12i oder so gspellt ond uf fest ond är spellt ned met note, eifach usem ghör!! jo är het mer de chli verzellt ond het ou wöue wösse wie lang i scho spele ond so. ond i ha aso eig fasch alles verstande, obwohl är ned soo tütlech gredt het :-).
So om di 8i se si de weder gange ond mer (Line, Ditte, Alice ond ich) händ no en felm im färnseh gluegt. d Ditte hätt eigtlech i usgang wöue, aber si esch so vollgfrässe gsi dass si ke lost me gha het :-D.

joo, i hoffe öich gohts ou allne so guet ond bes gli weder einisch :-D
Knus
Lisa